Karabinierët në Reggio Emilia në Itali kanë zbuluar një organizatë që merrej me trafikun e drogës me 10 persona.
Mes tyre tre italianë, një maroken, një shtetas nga Kosova dhe 5 shqiptarë.
Një xhiro prej më shumë se 50 mijë euro në muaj dhe shitja e 3 mijë dozave kokainë në tre muaj të dokumentuara si dhe sekuestrimi i gjysmë kilogrami kokainë dhe 20 mijë euro është bilanci i operacionit “Disc Jockey”.
Katër prej tyre janë arrestuar ndërsa të tjerët u është hequr leja e qëndrimit në Itali.
Liderët e grupit ishin një shqiptar dhe marokeni i arrestuar, kurse italianët merreshin me fshehjen e drogës në vende të ndryshme.
Hetimi për këtë grup nisi pas arrestimit të Giovanni Lacino, 43 vjeç, banues në Reggio Emilia. Pas hetimeve, policia italiane zbuloi grupin duke bërë që të arrestohen sërish 43-vjeçarin si dhe marokenin Abdelaziz El Buog, 38 vjeç dhe shqiptarin Ervin Tosku, 41 vjeç, i cili ndodhet në burg për trafikim lënde narkotike. Kurse një tjetër është në kërkim.
Hetimet nisën në shtator 2015, në operacionin e quajtur “Free Town”, për një grup grabitësish të cilët kishin vjedhur sende me vlerë të cilat arrin në 500 mijë euro.
