“Daily Mail”, agjensia britanike e lajmeve i ka kushtuar vëmendje shqiptarëve të dënuar në burgjet angleze. Në shkrimin e publikuar nga media britanike thuhet se shqiptarët e dënuar përdorin lirshëm celularë brenda qelive dhe komunikojnë me botën jashtë hekurave, si të ishin në liri.
Kjo media i ka cilësuar ata si “zotërit e krimit”, ndërsa shton se shqiptarët e dënuar po tallen me qeverinë britanike.
“Zotërit e krimit janë duke u tallur me qeverinë që shpenzon 100 milionë paund për të rritur sigurinë në burgje”.
Në këtë shkrim thuhet gjithashtu se shqiptarët të cilët vuajnë dënimin në burgjet angleze, përveçse përdorin telefona, bëjnë edhe festa të çmendura. Sipas këtij shkrimi, të dënuarit komunikojnë lirdhëm me miqtë e tyre të cilët ndodhen jashtë.
Një investigim i Daily Mail identifikoi se të paktën shtatë të burgosur që përdorin celularë dhe janë aktiv në media sociale”.
Sipas medias britanike thotë se ndër personat e identifikuar që e bëjnë këtë gjë, “është edhe një baron droge shqiptar, i dënuar me 12 vjet heqje lirie për drejtimin e një bande që trafikonte kokainë dhe kanabis. Ai përdor telefon në burg, duke postuar video live në “Facebook”. Postimet e tija shihen deri nga 70,000 njerëz”.
Nga kontrollet e bëra nga Daily Mail shqiptari i dënuar teksa bënte video shkruante “Zjarr në qeli”.
“Në video ai filmon veten dhe të burgosurit, të cilët shihen me celularë në duar teksa janë duke kërcyer dhe qeshur”, thuhet në shkrim, e cila nënvizon se këto festa janë çdo të shtunë në burg.
Pasi Daily Mail publikoi investigimin, Ministria e Drejtësisë, tha se llogaritë e medieve sociale të përdorura nga shtatë të burgosurit ishin të mbyllura. Telefonat u konfiskuan dhe të burgosurit po përballen me ndëshkime.
Kush është Ndriçim Musaj?
Ndriçim Musaj ra në pranga të autoriteteve britanike në vitin 2016, pasi policia i sekuestroi armë dhe drogë me një vlerë prej 6.4 milion paund. Ai është dënuar me nëntë vite burg, por kjo nuk e ka penguar atë që të shkëpus marrëdhëniet me botën jashtë, pasi muajin e kaluar ai postoi një foto në “Facebook” ku shkruante “ndjehem mirë”, së bashku me një emoji të një fytyre të buzëqeshur.
Trafikanti i kokainës Ndriçim Musaj u burgos për nëntë vjet në gusht të 2016, pasi oficerët i sekuestruan një mitraloz dhe drogë me një vlerë prej 6.4 milion paund. Por muajin e kaluar ai postoi një fotografi të vetes në faqen e tij në Facebook të ulur në një stol në kopshtin e burgut me titullin ‘Ndjehem mirë’, ’së bashku me një emoji të një fytyre të buzëqeshur.
Shkrimi i plotë i “Daily Mail”
Zotërit e krimit janë duke u tallur me qeverinë që shpenzon 100 milionë paund pwr tw rritur sigurinë nw burgje. Ata përdorin celularë dhe bëjnë festa të çmendura në qelitë ku vuajnë dënimin. Të tjerët po kontaktojnë hapur me bashkëpunëtorët që ndodhen jashtë.
Një hetim i Daily Mail identifikoi se të paktën shtatë të burgosur që përdorin celularë dhe janë aktiv në media sociale.
Në listën e personave të identifikuar është edhe një baron droge shqiptar, i dënuar me 12 vjet heqje lirie për drejtimin e një grupi kriminal, në trafikun e kokainës dhe kanabisit.
Ai përdor telefon në burg, duke postuar video të drejtpërdrejta në Facebook. Postimet e tija shihen deri nga 70,000 njerëz.
Në një postim ai shkruan “Zjarr në qeli”, të cilën e ka publikuar javën e kaluar. Në video ai filmon veten dhe të burgosurit, të cilët shihen me celularë në duar teksa janë duke kërcyer dhe qeshur. Gjithashtu ata shkruajnë se çdo të shtunë kanë festa si kjo në burg.
Një i dënuar me 9 vjet burg për drogë dhe që ishte anëtari i një bande famëkeqe, ka thënë për një reporter se ai ka paguar 1500 paund për të marrë telefonin në burg
Një tjetër gangster në burgun e Kategorisë C ka përdorur telefonin e tij për të kontaktuar një tjetër kriminel përmes medieve sociale.
Ndërkohë, kreu i një bande të rrezikshme, i dënuar me 6 vjet burg pasi tentoi t’i ikte policisë me makinën që po transportonte drogë, me një vlerë prej 1 milion paundësh. Ai postoi një foto të vetes së tij, duke shijuar një vakt të shijshëm në ditën e Bajramit, festës myslimane.
Kryeministri i Britanisë, Boris Johnson investoi 100 milion paund, për të ndalur përdorimin e celularëve në burg, apo substancave që nxisin krimin dhe çrregullimin . Ministri i burgjeve, Lucy Frazer, tha javën e kaluar se problemi i celularëve ishte ‘përmirësuar’ për shkak të qëndrimeve të ashpra që janë marrë nga qeveria.
Por Daily Mail ka identifikuar dhjetëra foto dhe video të postuara nga kriminelët famëkeq , që përdorin telefona në burg. Disa të burgosur i përdorin ata për të postuar veten, teksa janë duke parë futboll në TV dhe duke folur me të afërmit e miqtë.
Pasi Daily Mail ka publikuar investigimin, Ministria e Drejtësisë, tha se llogaritë e medieve sociale të përdorura nga shtatë të burgosurit ishin të mbyllura. Telefonat u konfiskuan dhe të burgosurit po përballen me ndëshkime që pritet të përfshijnë kohën shtesë pas hekurave. Një faqe në Facebook, “The Best”, i drejtuar nga shqiptarët në burg ka më shumë se 70,000 ndjekës.
Trafikanti i kokainës Ndriçim Musaj u burgos për nëntë vjet në gusht të 2016, pasi oficerët i sekuestruan një mitraloz dhe drogë me një vlerë prej 6.4 milion paund. Por muajin e kaluar ai postoi një fotografi të vetes në faqen e tij në Facebook të ulur në një stol në kopshtin e burgut me titullin ‘Ndjehem mirë’, ’së bashku me një emoji të një fytyre të buzëqeshur.
Ai i tha një reporteri nga Facebook se ishte ‘në burg’ dhe madje me krenari i dërgoi një shkrim gazete për dënimin e tij për trafikun e drogës. I pyetur se sa kushtoi të futej një telefon në burg, ai tha: ‘1.500 paund’.
Një tjetër i burgosur duke postuar video në grupin ‘The Best’ në Facebook foli për ndjekësit edhe për markat e telefonave që ka përdorur. Ai tha: ‘Unë kam përdorur Samsung dhe iPhone por mendoj se Sony është më i mire’.
Një zëdhënës i Shërbimit të Burgjeve tha: ‘Kjo sjellje nuk do të tolerohet kurrë dhe personat e përfshirë në shkelje të tilla do të ndëshkohen. Qeveria është e vendosur të rindërtojë besimin në sistemin e drejtësisë./ Opinion.al E.Xh.
