Nëse deri tani nuk kishit ndjeshmëri përsa i përket nacionalitetit, dhe faktit që disa nga artistët më të njohura në botë janë shqiptarë, kjo nuk mund të mos ju bëjë krenarë! Mbrëmjen e djeshme kanë shkëlqyer artistet Rita Ora dhe Bebe Rexha në VMA Video Music Awards.
Të veshura gjithë stil dhe të kuruara deri në detaj, dy këngëtaret kanë mahnitur si me parakalimin në tapetin e kuq, ashtu edhe me performancat përkatëse.
Si për t’i bërë gjërat akoma më të nxehta, Bebe dhe Rita kanë parakaluar të kapura dorë për dore si dy mike të ngushta, ndërsa kanë shkëmbyer edhe puthje në buzë.
Por ajo që padyshim na bëri krenarë, ishte një video që kishte postuar Rita Ora në profilin e saj, ku ajo dhe Bebe përqafohen dhe bërtasin: “ First albanians in the VMA!”
“Shqiptaret e para në VMA!” krenohen dy shqiptaret, ndërsa njerëzit që i rrethonin duartrokitën./Opinion.al
