Mbyllja e kufijve për shkak të përhapej së koronavirusit, ka lënë në rrugë shumë shqiptarë që duan të futen nga Greqia në Shqipëri.
Mësohet se nga 30 shqiptarë që gjendeshin dje në Kakavijë, 6 veta janë kthyer mbrapsht për në Greqi.
Ndërkohë 10 veta u kapën nga patrullat e Policisë Kufitare në territorin shqiptar pasi kishin hyrë ilegalisht.
Më pas ndaj tyre janë kryer procedura ligjore dhe u ndëshkuan me gjoba dhe u shoqëruan për vetkarantinim në banesë.
Ndërkohë, aktualisht janë akoma edhe rreth 7 persona të tjerë që presin në territorin asnjanës në tentativë për të hyrë në Shqipëri. Gjithsej u është lejuar hyrja në 24 orë 10 personave që kishin leje./ Opinion.al
