“Nisma Thurje” dhe “Shqipëria Bëhet” kanë firmosur koalicionin me të cilin do të dalin në zgjedhjet e 11 majit.
Koalicioni do të quhet “Nisma Shqipëria Bëhet” dhe drejtues do të jetë Adriatik Lapaj, i cili në fjalën e tij i bëri thirrje të shqiptarëve që të votojnë për ndryshimin.
Ai deklaroi se ky koalicioni do të mbishtesë me cdo kosto drejtësinë, ndërsa theksoi se nuk vendos baste sesa mandate do të marrin, pasi siç tha ai “as nuk blejmë vota dhe as nuk bëjnë presion”.
“Koalicioni do të quhet ‘Nisma Shqipëria bëhet’ dhe lajtmotivi do të jetë Shqipëria mbi partinë.
Unë kam kënaqësinë të nënshkruaj këtë marrëveshje bashkëpunimi me Nismën Thurje dhe me Lidhja për të Drejtat e Punëtorëve Shqiptarë, uroj që në këto 48 orë të shtohen edhe subjekte të tjera.
Dua ti bëj thirrje çdo qytetari që të ndjekë zemrën e tij krah ndryshimit. Ky është koalicioni i drejtësisë, ne do ta mbështesim atë në të gjitha dimensionet. Është një koalicion që u jep shqiptarëve një mundësi për të zgjedhur një alternativë për ndryshimin e Shqipërisë.
Nuk vëmë baste sa mandate do të marrim, sepse nuk blemë vota, ne marrëdhënien e kemi me qytetarët”, tha Lapaj.
