Në harkun kohor të tre muajve, fshati Zharrëz ka përjetuar 2 766 lëkundje. Kjo e dhënë është shenuar ne raportin e bërë publik nga Bashkia në një aktivitet ku ishte dhe zv. ministri i Energjisë Ilir Bejtja. Kryetarja e Bashkisë së Patosit, Rajmonda Balili u shpreh se ka përfunduar faza e verifikimit në terren të banesave të dëmtuara dhe po përgatitet fatura e kostos financiare për dëmshpërblimet e 500 banesave.
Në raport thuhet se pas pezullimit të procesit të injektimit të ujit teknologjik në puset gëlqerore, është vënë re se janë minimizuar lëkundjet e tokës në zonën e Zharrëzës.
Ndërkohë, banorët janë prej ditësh në protesta. Pas grevës së urisë, ata janë nisur në këmbë nga Zharrëza drej Tiranës.
Aktualisht ata janë pranë Durrësit dhe deri në mbrëmje mbërrijnë në Tiranë. Banorët thonë se qeveria nuk ka mbajtur premtimet për dëmshpërblimet. Gjithashtu i kanë kërkuar Llallës të rihapë hetimet për Bankersin. /Opinion.al
