Agron Alushaj, biznesmen ndërtimi në qytetin e Vlorës u bë mbrëmë pre e një atentati me eskploziv.
Ai sapo dilte me automjetin e tij nga një lavazh kur makina shpërtheu.
Për pasojë Alushaj mbeti i plagosur rëndë, duke iu nënshtruar një operacioni të vështirë në Spitalin e Vlorës.
Mëngjesin e sotëm rreth orës 4.00, Alushaj është sjellë në spitalin e Traumës në Tiranë.
Ai ka humbur dy gjymtyrët e poshtme si pasojë e shpërthimit të fuqishëm, ndërsa gjendja e tij mbetet kritike për jetën.
Alushaj thuhet se zotëron një gurore në Drashovicë, ndërsa nuk ka informacion për të shkuarën e tij.
Policia ndërkohë po heton zbardhjen e plotë të shkaqeve të shpërthimit të mjetit.
