Një shpërthim është regjistruar mëngjesin e sotëm rreth orës 06:56 në sheshpushimin e një pallati në rrugën “Njazi Meka” në Tiranë.
Sipas policisë, nga veprimet paraprake të kryera nga grupi hetimor dyshohet se zhurma ka ardhur si pasojë e plasjes së një kapsolle me lëndë piroteknike e konfirmuar dhe nga eksperti anti-eksploziv). Shpërthimi nuk ka shkaktuar asnjë dëm material.
“Më datë 05.09.2021, rreth orës 06:56, në sallën operative të DVP Tiranë ka telefonuar shtetasi K. B., i cili deklaron se rreth orës 03:00, ka dëgjuar një zhurmë në sheshpushim e pallatit në rrugën “Njazi Meka”.
Nga veprimet paraprake të kryera nga grupi hetimor dyshohet se zhurma ka ardhur si pasojë e plasjes së një kapsolle me lëndë piroteknike e konfirmuar dhe nga eksperti anti-eksploziv), pa shkaktuar asnjë dëm material”, njofton policia.
Vijojnë veprimet e mëtejshme për sqarimin e plotë të ngjarjes./Opinion.al
