Një shpërthim i fuqishëm ka ndodhur në një pallat banimi në Hagë të Holandës. Nga shpërthimi i fuqishëm u shemb thuajse tërësisht ndërtesa.
Shumë persona raportohet të jenë të plagosur, ndërsa dyshohet se nën rrënoja mund të ketë persona të tjerë.
Shkaqet e shpërthimit nuk dihen ende. Fillimisht ka patur raportime për tym dhe më pas ndodhi shpërthimi.
Banorët e lagjes thanë se dëgjuan një zhurmë të fuqishme. Shërbimet zjarrfikëse që shkuan në vendngjarje, luftuan me flakët për disa minuta deri sa i vendosën nën kontroll.
Ndërkohë, një ekip i kërkim-shpëtimit është duke kryer kontrolle për të gjetur të mbijetuar nën rrënoja.
