Një sasi eksplozivi ka shpërthyer të premten në darkë në mjediset e jashtme të një banese në fshatin Ahmetaq të Tiranës.
Burimet e para nga policia thanë se shpërthimi i fuqishëm ka ndodhur rreth orës 21:00 në banesën e Nazmi Demirxhiut, i cili mban detyrën e Drejtorit të Paraburgimit në Drejtorinë e Përgjithshme të Burgjeve.
Mësohet se në momentin e shpërthimit e gjithë familja ka qenë në banesë, ndërsa nuk raportohet për persona të dëmtuar.
Një hetim ka nisur për të zbuluar autorët dhe nëse ngjarja ka lidhje me detyrën e Demirxhiut.
