Interpol bëri me dije se kriminelët janë duke përdorur një skemë të re për shpërndarjen e drogës gjatë karantinimit.
Interpoli njofton se ata po shfrytëzojnë shërbimin e shpërndarjes së ushqimit në shtëpia për të mbuluar transportin e lëndëve narkotike dhe sendeve të tjera të jashtëligjshme.
Organizata policore njoftoi se ka marrë raportime të vazhdueshme nga policia e Irlandës, Malajzisë, Spanjës, Britanisë të cilët kanë zbuluar këtë shërbim për transportimin e kokainës, marijuanës, ketaminës dhe ekstazisë.
Vetëm në fillim të këtij muaji, policia spanjolle arrestoi 7 persona në Alicante dhe Valencia, të veshur si shpërndarës ushqimesh, të cilëve iu gjetën kokainë dhe marijuanë të fshehura në motorët apo makinat që drejtonin. Po ashtu, në Irlandë, policia gjeti 8 kg kokainë dhe dy pistoleta në një motor picash./Opinion.al
