Në kuadër të operacionit policor “Tempulli 3”, policia ka vënë në pranga në Vlorë një 27-vjeçar grek, banues në Gjermani.
Gjatë kontrollit në banesën ku i riu qëndronte, shërbimet e Policisë gjetën doza me kanabis, të cilat dyshohet se i posedonte me qëllim shitjen, kryesisht në lokalet e natës në qytetin e Vlorës.
“Autori me inicialet D. M., banues në Gjermani dyshohet se i posedonte me qëllim shitjen kryesisht në lokalet e natës, në qytetin e Vlorës”, informoi policia.
Materialet procedurale iu kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.
