Shtatë policë janë pezulluar nga detyra pas një hetimi disa mujor të SHÇBA ku rezultoi se kishin shpërdoruar detyrën.
Sipas njoftimit të policisë nga hetimi nga rezultuar se në vitin 2019, shtatë punonjësit e policisë, të cilët tashmë janë pezulluar kishin favorizuar kultivimin e kanabisit, ndërtimeve pa leje, kishin manipuluar apo fshehur ngjarje kriminale, kishin penguar zbulimin e fakteve dhe të vërtetës apo nuk kishin raportuar fare këto ngjarje.
Bëhet e ditur gjithashtu se nga hetimi janë sekuestruar në cilësinë e provës materiale disa sasi kanabisi dhe u asgjësuan disa bimë narkotike.
Punonjësit e policisë të cilët janë të pezulluar janë Xhevahir Babasi, punonjës i Patrullës së Përgjithshme, M. Celami, Ndihmës/specialist për Rendin, Nuri Sefa, Ndihmës/specialist për Rendin, Kadri Daci, Ndihmës/specialist për Rendin, Dervish Sana, Ndihmës/specialist për Rendin, S.D., Ndihmës/specialist për Rendin, F.B., punonjës i Patrullës së Përgjithshme./Opinion.al/
