Drejtoria e Policisë Rrugore njoftoi se ka shtuar kontrollet kryesisht në ato akse rrugore ku rreziku për të shkaktuar aksident rrugor është më i lartë.
Në këtë kuadër, gjatë ditës së sotme është ushtruar kontroll me radar dhe alkooltest në disa akse rrugore të qarkut Elbasan.
Në akset Peqin-Rrogozhinë dhe Krrabë-Elbasan janë pezulluat 17 leje drejtimi, për tejkalim shpejtësie, e cila shkonte edhe deri në 239 km/h.
Po ashtu, prej mëngjesit të sotëm deri tani janë vendosur 23 masa administrative për parakalime të gabuara për manovra të rrezikshme në rrugë.
Policia njofton se 19 drejtues mjetesh janë dërguar në OASH, për mosvendosje të rripit të sigurimit, ndërsa 21 drejtues mjetesh janë ndëshkuar për përdorim të celularit gjatë drejtimit të automjetit. Po ashtu 3 masa maksimale me vlerë 30.000 lekë të rinj secila, janë vendosur për shpejtësi tej normave të lejuara, pasi drejtuesit e mjeteve ishin shtetas të huaj./Opinion.al
