Gazetari, Blendi Fevziu në një prononcim për News 24 ka deklaruar se gazetarët nuk janë të detyruar të japin burimin e lajmit. Kjo deklaratë është bërë rreth orës 02:00 të ditës së sotme kur Fevziu priste të dilte nga prokuroria gazetari, Artan Hoxha.
Kujtojmë se Hoxha u shoqërua mbrëmjen e së enjtes, sapo doli nga emisioni Opinion, rreth orës 23:30. Sipas prokurorëve të Krimeve të Rënda, Hoxha ka nxjerrë sekretin hetimor duke deklaruar në emision se piloti italian që ra në Ishëm, Guido Guidi ka thënë në polici se ka ardhur për trafik dhe jo për turizëm.
Lidhur me këtë situatë, Fevziu shprehet: Nëse bëhet fjalë për atë që deklaroi Hoxha në emision, pra se piloti ka bashkëpunuar me policinë, gazetari nuk ka detyrim të tregojë burimin. Eshtë një ligj universal i gazetarisë. Gazetari ka për detyrë të verifikojë vertetësinë e lajmit, por jo të nxjerr emrat e informatorëve.
Video: Deklarata e Blendi Fevizut para prokurorisë
