Një grua e re u përpoq ti shpëtonte përdhunimit duke luftuar me tre burra, por sulmuesit e saj e lagën me vajguri dhe i vunë zjarrin. Këto janë fotot e gruas pas agresionit ku lëkura i është shkrumbuar, plasaritur, ku dallohen enden flluskat e mbetura nga flakët.
Smita Sharma, një fotograf i cili filloi të marrë fotografitë e të mbijetuarve të përdhunimeve në dhjetor të vitit 2014, u takua me gruan.
“Unë kurrë nuk kam parë një person i cili të jetë djegur në këtë shkallë më parë,” tha Smita për MailOnline.
“Vëllai dhe motra e saj ishin në dhomën e spitalit, dhe ata më lejuan të takohesha me gruan. Kjo ndodhi pasi vetë nëna e saj donte që të më tregonte historinë e vajzës së saj.”
Por, ky nuk ishte rasti i vetëm në një vend ku janë kryer 36,735 përdhunime vetëm në vitin 2014, bazuar në të dhënat nga Zyra Kombëtare e Rekordit të Krimit të Indisë.
Smita ka treguar historinë e viktimave të përdhunimit në Indi duke përdorur aparatin e saj dhe duke sjellë foto nga disa prej krimeve më tronditëse të kryera në vend.
Siç ajo raporton, viktimat e përdhunimit shpesh janë fajësuar, për t’u kthyer më pas në viktima.
