29 vjeçari Leonard Nika, baba i një fëmije të mitur ka folur në polici për ngjarjen e rëndë në Xhafzotaj të Durrësit. Ai i ka thënë policisë motivin e sherrit me prindërit të cilëve u mori dhe jetën.
Në gjendje të rënduar psikologjike, gjatë marrjes në pyetje në polici, 29-vjeçari tha se ishte konfliktuar me prindërit pasi donte të ikte emigrant në Itali, raporton ABC News.
Leo Nika sqaroi se prindërit nuk i jepnin para që ai të emigronte. Kjo bëri që sherri mes tyre të agravonte së tepërmi, kur mëngjesin e djeshëm ai qëlloi me çifte prindërit Ali Nika dhe Jenije Nika.
