Vetëm tri javë më parë, daja i Dritan Demiraj, shqiptarit të masakruar sot në burgun e Parmës, dha një intervistë për mediat italiane. Sadik Dine, peshkatar, kishte dy vite që qëndronte në burg, pasi akuzohej nga drejtësia italiane, se kishte ndihmuar nipin e tij (Dritan Demiraj) të fshihte kufomën e italianit Silvio Mannina, të cilin Demiraj në kushtet e xhelozisë e kishte vrarë më 28 shkurt 2014, pasi ishte lidhur me ish të dashurën e tij rumune Livis Nusdorfi, të cilën edhe atë e vrau tri ditë më pas në një stacion metroje në Komo.
Pas dy vitesh në burg, shkruajnë mediat lokale. Sadik Dine la burgun pasi gjykatat i besuan se ai nuk ishte i përfshirë në vrasjen e dyfishtë që kishte kryer nipi i tij.
E prisnit të shpalleshit i pafajshëm për dy krimet?
Po, sepse nuk jam një vrasës. Për shumë kohë kam heshtur sepse mendoja që nuk do të më besonin kurrë. Por edhe kisha besim të drejtësia italiane
Nipi juaj u dënua me burgim të përjetshëm, e meriton?
Është një dënim me vdekje, por ka vrarë dy persona. Edhe pse ishte tradhtuar nga Lidia, nuk duhet të arrinte deri aty sa ti vriste.
Ju megjithatë e ndihmuat të hidhte kufomën e Silvios në liqenin e Kaltër?
Është e vërtët, por kur Dritan më kërkoi ndihmë unë nuk e dija akoma se çfarë kishte bërë. Atë natë erdhi të më kërkonte në shtëpi Monica Sanchi (e fejuara e Dritanit e dënuar me 30 vite burg) dhe më tha të shkonte shpejt në apartamentin e Dritanit, pa më shpjeguar se çfarë kishte ndodhur. Kur arrita pashë atë djalin të vdekur. Një skenë e tmerrshme që e kam gjithmonë para syve. I thashë nipit tim që je i çmendur, por ai mu ul në gjunjë dhe më tha” Shiko, ky është i dashuri i gruas sime, dajë më ndihmo”. Ai për mua ishte si një bir.
Dritan vrau ish të dashurën, Lidia dhe në fund të dashurin pasi e kishte torturuar. Është një njeri i keq?
Është një burrë i tradhëtuar. Lidia, të cilën ai e dashuronte shumë, e tradhëtoi fillimisht me kushëririn e tij. Babai i tij, vëllai im, do të duhej ta kishte zgjidhur situatën dhe të ribashkonte familjen, gjë që nuk e bëri dhe ja ku ndodhi gjithë kjo gjakderdhje. Vëllai im për mua është një i vdekur.
Por është Dritan që ka shkatërruar jetën. Ai humbi punën, e kanë dëbuar nga familja dhe fëmijët e tij të vegjël janë hequr nga asistenca sociale….
Jam i nevrikosur me Dritanin, dhe nëse do të isha kthyer pas nuk do ta ndihmoja më. Kur pashë trupin e Manninas duhej të kisha lajmëruar policinë, kështu të paktën do kisha shpëtuar Lidian. Sepse betohem, unë nuk e dija që një ditë më pas, ai do shkonte ta vriste. Do ta kisha ndaluar, bëtohem që do ta kisha ndaluar. E bej peshkatarin në këtë qytet prej 17 vitesh, dhe kam menduar vetëm për të punuar dhe rritur tre fëmijët e mi.
Mamaja e Silvios është e dëshpëruar dhe ju donte me burgim të përjetshëm…
Por unë nuk jam një vrasës. U kërkoj të falur për atë që kam bërë, që e hodha trupin e të birit në liqen. Ai djalë do mbetet gjithmonë në mendjen time.
Atëherë përse Monika ju akuzoi edhe ju për vrasje?
E bëri vetëm për të shpëtuar veten…
Ne foto: Sadik Dine, daja i Dritan Demiraj, i burgosuri shqiptar që u masakrua sot në Burgun e Parmës
