Duke pranuar autorësinë, Gjykata e Përmetit ka lënë në burg 30-vjeçarin Alban Voda, ish-komandon i cili dy ditë më parë vrau me thikë bashkëfshatarin e tij 66-vjeçar Nesim Hoxha. Ngjarja e rëndë ndodhi në Këlcyrë.
Sot para trupit gjykues ai është shfaqur i ftohtë, dhe pa pendesë ka pranuar se e vrau fqinjin, pa dhënë arsyen e krimit të tij makabër.
“Mirë ja bëra… Se mos është akoma gjallë?!”, ka deklaruar para trupës gjykuese 30-vjecari Alban Doda, me një gjakftohtësi përmes së cilës ka dashur të konfirmojë nëse viktima e tij ka vdekur apo ajo.
Më herët para oficerëve të policisë, Voda kishte deklaruar se arsyeja që e çoi të vriste të moshuarin ishte fakti se sipas tij 66-vjecari donte ta mbyste me një kokërr ulliri.
Ish-komandoja i cili ka shërbyer edhe në Irak, kishte probleme të shëndetit mendor, por sipas policisë ai nuk ka pasur një kartelë mjekësore nga Spitali Psikiatrik që ta evidentonte atë. Sipas dëshmive tyë banorëve kohët e fundit ai ishte kthyer në përdorues të lëndës narkotike.
