Një aksident ka ndodhur ditën e sotme në aksin rrugor Korçë-Pogradec pranë fshatit Libonik, Maliq, ku si pasojë janë plagosur 3 pasagjerë.
Uniformat blu bëjnë me dije se shoferi i makinës tip “Audi” dyshohet se ka humbur kontrollin mbi drejtimin e mjetit dhe automjeti ka dalë nga rruga.
Si pasojë e aksidentit janë plagosur 3 pasagjerët që ndodheshin në këtë automjet.
“Më datë 13.09.2023, rreth orës 16:05, në aksin rrugor “Korçë-Pogradec”, pranë kryqëzimit të fshatit Libonik, Maliq, shtetasi R. L., duke drejtuar automjetin tip “Audi”, dyshohet se ka humbur kontrollin mbi drejtimin e tij dhe automjeti ka dalë nga rruga.
Për pasojë janë dëmtuar shtetasit I. V., 46 vjeç, E. Xh., 23 vjeç dhe O. V., 17 vjeç, banues në Pogradec, pasagjerë në këtë automjet, të cilët u dërguan për mjekim në spitalin e Korçës.
Me shtetasin R. L., po kryhen veprimet e mëtejshme procedurale”, tha policia.
Grupi hetimor po punon për zbardhjen e rrethanave të aksidentit./Opinion.al
