Kryesore

Shkurtimi i listave nga KQZ, PD: Vendim i paligjshëm, do ta ankimojmë


Bëhu pjesë e Grupit Zyrtar të Opinion.al
>> KËTU <<
               Publikuar në : 20:49 - 17/03/21 |
Opi Nion

Partia Demokratike ka reaguar pas heqjes nga lista të 78 kandidatëve për deputet nga KQZ, me argumentimin se ishin mbi numrin e mandateve të qarqeve përkatëse.

Në deklaratën e saj, PD thotë se ky vendim vlerësohet si i padrejtë dhe i paligjshëm, i diktuar nga interesat politike të maxhorancës. PD thekson se vendimi i KQZ do të ankimohet menjëherë.

 “Vendimi i sotëm i KQZ për mosregjistrimin e plotë të listave të koalicionit është një vendim i padrejtë dhe i paligjshëm, i diktuar nga interesat politike të maxhorancës. Pasi ndryshoi rregullat e lojës në mënyrë të njëanshme, maxhoranca synon të imponojë rregulla të tjera, të cilat pamundësojnë përfaqësimin e plotë dhe të drejtë të të gjitha partive përbërëse të koalicionit tonë. Këto rregulla të njëanshme synojnë që të lënë të papërfaqësuara parti të cilat përfaqësojnë shtresa të ndryshme shoqërore dhe komunitete të caktuara, veçanërisht minoritetet. Asnjë vendimmarrje e tillë nuk ka për të penguar koalicionin tonë që të garojë me potencialin e tij të plotë, njerëzor dhe programor. Kjo vendimmarrje, si të gjitha vendimmarrjet e padrejta, do të ankimohet menjëherë nga ana jonë në të gjitha shkallët ankimore. Asgjë nuk do të na ndalojë të sjellim ndryshimin në Shqipëri me njerëzit tanë të mrekullueshëm, që kanë nevojë dhe e duan kaq shumë ndryshimin! Ne do ta bëjmë të mundur këtë në datën 25 Prill me ndihmën e të gjithë shqiptarëve”.-shkruhet në reagimin e PD./Opinion.al

Pas