Një banesë është përfshirë nga flakët mëngjesin e sotëm në Fushë-Krujë. Banesa ishte në pronësi të 80-vjeçares M.S., e cila fatmirësisht i ka shpëtuar flakëve dhe ndodhet në gjendje të mirë shëndetësore. Policia bën me dije se dyshohet se ngjarja ka ndodhur si pasojë e një shkëndije elektrike.
“Më datë 03.03.2021, në orën 07:20, në Fushë Krujë, dyshohet si pasojë e një shkëndije elektrike ka rënë zjarr në banesën e shtetases M. S., rreth 80 vjeçe, nga e cila ka vetëm dëme materiale. Shtetësja M. S., ndodhet në gjendje të mirë shëndetësore.
Shërbimet e Policisë dhe të zjarrfikësve ndodhen në vendngjarje dhe po punojnë për shuarjen e zjarrit”, njofton policia.
Grupi hetimor po punon për zbardhjen e rrethanave të ngjarjes dhe përcaktimin e shkakut të zjarrit.
