Një zjarr ka shpërthyer mesditën e sotme, në fshatin Sheqishtë të Roskovecit.
Mësohet se gjatë saldimit të tubave plastikë, që po përdoreshin në kuadër të investimit të Bordit të Kullimit për marrjen e ujit nga Këneta e Roskovecit për vaditjen e tokave bujqësore, tubat u përfshinë nga flakët.
Zjarri u përhap shpejt, duke mbuluar zonën me re të dendura tymi të zi.
Në vendngjarje u dërguan menjëherë tre mjete zjarrfikëse dhe një autobot, të cilat arritën të shuanin flakët dhe të kontrollojnë situatën.
