Reshjet e dendura të borës që kanë përfshirë zona të ndryshme në qarkun e Shkodrës ka detyruar shërbimet e policisë të rrisin prezencën në akset ku paraqiten më shumë problematika.
Deri në këto momente nuk ka akse rrugore të bllokuara në këtë qark, kjo edhe për shkak se kontraktorët janë në terren dhe po punojnë për të pastruar borën dhe materialet inerte.
Megjithatë, policia ka një apel për drejtuesit e mjeteve që të bëjnë kujdes në lëvizje, të respektojnë sinjalistikën dhe të pajisen me zinxhirë dhe goma dimërore.
