Policia e Shkodrës ka arrestuar një 66-vjeçar pasi ishte shpallur në kërkim gjatë megaoperacionit “Territor i pastër”, në fshatin Kasnec.
Sipas uniformave blu në oborrin e banesës së tij u gjetën 8.256 kg lëndë e dyshuar narkotike cannabis sativa në formë boçeje.
Ndërkohë policia vijon punën për kapjen e djalit 17 vjeç të shtetasit N.Q., i dyshuar i përfshirë në këtë veprimtari kriminale.
”U shpall në kërkim 3 ditë më parë, në kuadër të megaoperacionit “Territor i pastër”, pasi afër banesës së tij, Policia gjeti 8 kg e 256 gramë cannabis në formë boçeje, kapet dhe vihet në pranga 66-vjeçari.
Në zbatim të planit të masave të hartuar në kuadër të megaoperacionit kombëtar “Territor i pastër”, për goditjen e veprimtarisë kriminale të kultivimit të bimëve narkotike, identifikimin dhe kapjen e autorëve, specialistët e Sektorit për Hetimin e Narkotikëve të DVP Shkodër, bazuar në informacionet e siguruara nga inteligjenca policore, lokalizuan, kapën dhe vunë në pranga shtetasin N. Q., 66 vjeç.
Ky shtetas ishte shpallur në kërkim pasi gjatë kontrollit të territorit të kryer në kuadër të megaoperacionit “Territor i pastër”, në fshatin Kasnec, në oborrin e banesës së këtij shtetasi dhe në afërsi të banesës, u gjetën 8.256 kg lëndë e dyshuar narkotike cannabis sativa në formë boçeje, e cila u sekuestrua në cilësinë e provës materiale.
Vijon puna për kapjen e djalit 17 vjeç të shtetasit N. Q., i dyshuar i pëfshirë në këtë veprimtari kriminale”, njofton policia.
