Një sasi lënde plasëse është vendosur në derën e jashtme të një garzhi në pronësi të një 52-vjeçari në Shkodër. Policia bën me dije se nfhjarja ka ndodhur në lagjen ‘’10 Korriku’’, në rrugën e ‘’Karahases’’, në orët e para të mëngjesit.
Si pasojë e ngjarjes janë shkaktuar vetëm dëme të vogla materiale.
“Në lagjen ‘’10 Korriku’’, në rrugën e ‘’Karahases’’, në orët e para të mëngjesit, në pjesën e jashtme të garazhit(te dera), në pronësi të shtetasit A. U., 52 vjeç, dyshohet se është hedhur një sasi e vogël lëndë plasëse, duke shkaktuar vetëm dëme të vogla materiale.
Grupi hetimor ndodhet në vendngjarje dhe vijon punën për zbardhjen e rrethanave të ngjarjes si dhe identifikimin dhe kapjen e autorit/ve”-njofton policia.
