Një aksident ka ndodhur ditën e sotme në Shkodër, ku si pasojë kanë mbetur të lënduar dy 17-vjeçare.
Mësohet se përplasja ka ndodhur në lagjen “Skënderbeg”, ku një 24-vjeçar ka humbur kontrollin e automjetit që drejtonte dhe ka dalë nga rruga.
Si pasojë, janë dëmtuar dy shtetase 17-vjeçe pasagjere në automjetin e të riut.
“Shkodër
Rreth orës 14:05, në lagjen “Skënderbeg”, shtetasi L. K., 24 vjeç, banues në Shkodër, ka humbur kontrollin mbi drejtimin e automjetit dhe për pasojë automjeti ka dalë nga rruga.
Nga aksidenti janë dëmtuar 2 shtetase 17 vjeçe, pasagjere në këtë automjet, të cilat janë dërguar në spital dhe janë jashtë rrezikut për jetën.
Shtetasi L. K. u shoqërua në Komisariat, për kryerjen e veprimeve procedural”, thuhet në njoftimin e policisë.
Grupi hetimor po punon për sqarimin e rrethanave të aksidentit./Opinion.al
