-Shëndeti

Shkencëtari izraelit krijon testin e ri për COVID,rezultati për 20 sekonda


Bëhu pjesë e Grupit Zyrtar të Opinion.al
>> KËTU <<
               Publikuar në : 09:44 - 15/05/20 |
Al Do

Shkencëtari izraelit, Gabby Sarusi, ka zbuluar një test shumë të shpejt të sëmundjes COVID-19, që jep një rezultat pozitiv ose negativ në më pak se një minutë, dhe madje edhe pas 20 sekondash, raportojnë mediat izraelite.

Si funsksionon testimi

Grimcat nga një kampion i thjeshtë i frymëmarrjes ose fyti dhe hunda, siç janë përdorur tashmë për teste të tjera, vendosen në një çip me një grup të dendur të sensorëve metamaterik që është krijuar posaçërisht për këtë qëllim. Sistemi pastaj analizon mostrën biologjike dhe siguron një rezultat të saktë pozitiv / negativ të saktë brenda një minute përmes një sistemi të ndërlidhur.

Metoda e re bazohet në ndryshimin e rezonancës në intervalin spektral THz të imponuar nga koronavirusi përmes një spektoskopie THz të kryer në pajisje. Ky varg spektral është përdorur në dekadat e fundit për zbulimin dhe identifikimin e shpejtë të mostrave biologjike.

“Po pyesnim veten, pasi që ky virus është njësoj si një nano-grimcë ose një pikë kuantike me diametër midis 100 nm deri 140 nm përsa i përket madhësisë dhe vetive elektrike, a mund ta zbulojmë duke përdorur metoda nga bota e fizikës, fotonikës dhe inxhinierisë elektrike. Përgjigja është po, ky virus rezonon në frekuencën THz, dhe spektroskopia në këto frekuenca e zbulon atë menjëherë.”- u shpreh Sarusi.

Në një deklaratë të Universitetit Ben Gurion në Izrael, thuhet se kjo pajisje testimi fillimisht duhet të miratohet, një proces që zgjat dy deri në tre muaj.

Prodhimi i testit mund të fillojë në shtator ose tetor.

Vlerësohet se një pajisje mund të japë rezultatet e 4500 testeve në ditë, nëse llogaritet se një test zgjat 20 sekonda.

Pajisja kryesore do të kushtojë rreth 400,000 dollarë, dhe secili test 40 deri 50 dollarë amerikan, parashikon profesori Sarusi.

Deri më tani, testi ka treguar një saktësi prej 90 për qind dhe është provuar në një mostër prej 120 izraelitësh, nga të cilët 45 për qind ishin të infektuar me koronavirus dhe 55 për qind të shëndetshëm. /Opinion.al

Pas