Të kesh një jetë seksuale aktive është si një ilaç, thotë shkenca.
Ka disa arsye pse seksi është i mirë për shëndetin: nga efektet pozitive në gjumë dhe tru në veprimet e tij ‘anti-plakje’ dhe mbrojtës për sistemin kardiovaskular.
Një studim në Gazetën e Mjekësisë Seksuale tregon se, sidomos për meshkujt, që kanë një jetë seksuale “të gjallë” përmirëson qarkullimin e gjakut dhe ul nivelet e një substance të quajtur homocisteinë, e cila nëse është e tepërt lidhet me rrezikun e trombozës dhe sulmit në zemër.
Seksi është i mirë për gjumë (dhe anasjelltas): studimet tregojnë se, pas një “takimi” në shtrat, nivelet e një hormoni që ndërmjetëson relaksimin – prolaktin – rriten ndjeshëm.
Gjithashtu për meshkujt, aktiviteti seksual dhe ejakulimi në përgjithësi në studime të shumta shoqërohet me rrezik më të ulët të kancerit të prostatës.
Sipas gjinekologut Alyse Kelly-Jones të Karolinës së Veriut, aktiviteti seksual mund të zvogëlojë dhimbjet menstruale.
Dhe kjo nuk është e gjitha, seksi konsiderohet një anti-stres i shkëlqyer, ndoshta falë endorfineve të lëshuara gjatë aktivitetit seksual, të cilat reduktojnë sinjalet e stresit të dërguara në tru dhe rrisin disponimin e mirë.
Është gjithashtu një gjimnastikë e mirë. Ju gjithashtu mund të digjni 250 kalori çdo herë që bëni këtë lloj ‘aktiviteti’, shpjegon Naomi Greenblatt, drejtor mjekësor i The Rocking Chair në Neë Jersey.
Nga kjo mund të përfitojnë edhe truri dhe aftësitë mendore (kujtesa, funksionet ekzekutive superiore, si vendimmarrja, etj.), siç tregohet në një studim mbi Revistat e Gerontologjisë: Seria B, sipas të cilës – me të njëjtën moshë – sa më shumë seksualisht aktive të jeni, aq më shumë funksionet tuaja mendore janë ‘të gjalla’.
Së fundi, ajo ka veprim anti-plakje: sipas David Weeks të Spitalit Mbretëror të Edinburgut, përsëri falë endorfinave dhe substancave të tjera të lëshuara gjatë aktivitetit seksual, dukeni më të rinj, lëkura është më e mbrojtur nga rrudhat dhe shenjat e tjera të plakjes ./opinion.al
