Ish këshilltari i presidentit amerikan për sigurinë kombëtare John Bolton ka deklaruar se ideja e shkëmbimit të territoreve mes Kosovës dhe Serbisë si një opsion për një marrëveshje kishte ardhur nga vetë liderët e dy vendeve që në vitin 2018.
Në një intervistë me Free Asociated Press, Bolton tha se ideja e liderëve të dy vendeve shihej me druaje,por ai mendonte se ia vlente të përpiqeshin.
“Në rastin e Kosovës dhe Serbisë, kishte të dhëna, që në 2018, se liderët donin t’i zgjidhnin çështjet, sepse e panë se nuk mund të kishin pavarësi ekonomike dhe stabilitet derisa marrëdhëniet e tyre të normalizoheshin. Një nga gjërat që ata po diskutonin ishte mundësia e shkëmbimit të territoreve. Në vende të Ballkanit, në Gjermani dhe në Europën Perëndimore kjo shihej me druajtje sepse kishin frike se shkëmbimi i territoreve mund të çonte në ketë praktikë edhe në vende të tjera. Kjo ndodh në histori. Është diçka që duhet të jetosh. Ju do të me thoni se nëse Kosova dhe Serbia do të kishin rënë, dakord për shkëmbimin e territoreve, një pjesë e Europës do të thoshte jo. Jo, kjo nuk është e pranueshme për ne, ne do ta refuzojmë këtë zgjidhje, mendoj se kjo do të ishte e paimagjinueshme. Tani, ka shumë rrugë deri atje, sepse pengesa të reja kanë dalë kohët e fundit. Por, në fund të fundit, ju përmendët Jim Baker, që ka qenë mentori im për shumë vjet. Ai u ka thënë një herë izraelitëve dhe arabëve, se vetëm palët e përfshira mund të realizojnë një paqe të qëndrueshme. Ne do të ishim të lumtur t’i ndihmonin. Ky është numri i Shtëpisë së Bardhë, kur ta keni seriozisht, na telefononi”, deklaroi Bolton
Presidenti i Kosovës, Hashim Thaçi, ka kundërshtuar vazhdimisht akuzat se ai ndonjëherë kishte diskutuar shkëmbime të tokës me Presidentin e Serbisë Aleksandar Vucic.
I dërguari i Presidentit Trump për dialogun Kosovë-Serbi ka deklaruar se plani i shkëmbimit të territoreve nuk u mbështet nga Trump por nga Bolton. Ai kishte pohuar më herët se nuk kishte asnjë plan për shkëmbimin e territoreve. /Opinion.al
