Tre persona janë arrestuar nga policia, pasi kanë shkatërruar stolat në stadiumin kombëtar të “Air Albania”. Po ashtu, policia njofton se ka shpallur në kërkim dhe 9 persona të tjerë.
Shkatërrimi i stolave është bërë në datat 21 dhe 22 shkurt, në ndeshjet Partizani-Bylis dhe Tirana-Kukësi.
Policia njofton se të arrestuarit janë G.M., 39 vjeç, K. B, 26 vjeç, tifozë të skuadrës së Bylysit, si dhe L. G, 35 vjeç, tifozë i skuadrë së Tiranës.
Ndërkohë, mbi të arrestuarit dhe personavetë shpallur në kërkim rëndojnë akuzat “Veprime të dhunshme në aktivitetet Sportive” dhe “Shkatërrimi i pronës”./ Opinion.al
