Janë 32 mijë personat e interesuar për të darkuar lakuriq, në restorantin e parë në Londër, të dedikuar nudistëve.
“Bunyadi” kështu do të quhet vendi “pikant” që do të hapet në Qershor në qendër të Londrës, dhe sipas stafit mund të jenë vetëm 42 persona për çdo vakt, që mund të shijojnë eksperiencën e ushqimit, duke qëndruar lakuriq.
Kështu mijëra persona të tjerë që kanë rezervuar tashmë për një vend në restorant, tashmë duhet të presin një radhë shumë të gjatë me rroba veshur, për t’u ulur në një nga tryezat.
Një nga përgjegjësit e restoranti është shprehur se: “Jemi shumë të habitur dhe entuziast për këtë reagim. Njerëzit duan të qëndrojnë lakuriq, nuk ka rëndësi ku se ku, në plazh apo në sauna, apo dhe në një restorant”.
Pagesa në këtë restorant do të jetë prej 95 dollarësh për ushqim dhe pije. Klientët do të mund të zgjedhin mes tavolinave për klientët e veshur dhe ato nudo, ndërkohë që ata do të shërbehen nga një staf, i cili do të jetë gjysmë-lakuriq./tvklan
