Policia ka vënë në pranga një 28-vjeçar pasi shfrytëzonte për prostitucion, dy vajza, njëra prej të cilave e mitur.
Nga hetimet e kryera ka rezultuar se Majkëll Mara, shfrytëzonte për prostitucion në në qytete të ndryshme si Korçë, Sarandë dhe Tiranë, një 18-vjeçare dhe shtetasen e mitur 17-vjeçare, me të cilën bashkëjetonte.
Po ashtu, dyshohet se Mara e ka shfrytëzuar dhe përdorur 18-vjeçaren edhe për shpërndarje të lëndëve narkotike.
Në cilësinë e provave materiale janë sekuestruar një automjet dhe dy telefona, ndërsa mbi të riun rëndojnë akuzat për veprat penale “Trafikimi i personave të rritur’’, “Shfrytëzimi i prostitucionit” dhe “Prodhimi dhe shitja e lëndëve narkotike”./Opinion.al
