Sherri për pronat mes dy vëllezërve ka çuar në plagosjen e njërit prej tyre. Ngjarja ndodhi dje në Memaliaj. Policia ka arrestuar në flagrancë 55-vjeçarin, Robert Beta, banues në fshatin Vasjar. Dje rreth orës 15:30 në banesën e tyre, për motive pronësie, 55 vjeçari ka goditur me sende të forta vëllanë e tij I.B, 58 vjeç.
Ky i fundit ka marrë dëmtime të rënda në kokë dhe në trup. Ai ndodhet në spitalin Rajonal “Omer Nishani”, Gjirokastër. Materialet i kaluan Prokurorisë së Rrethit Gjyqësor Gjirokastër për veprën penale “Plagosje e rëndë me dashje”, parashikuar nga neni 88 i Kodit Penal.
