Ditën e sotme kryeministri Edi Rama foli në Kuvend në lidhje me paketën “anti-KÇK”, duke theksuar se përmes saj do të goditet krimi i organizuar si gjyqtarët dhe prokurorët e korruptuar.
Po ashtu, Rama komentoi nga foltorja e Kuvendit dhe aksionet e Operacionit Forca e Ligjit, ku theksoi se në këtë mënyrë do bëhet ndarja e botës së krimit nga pasuria e fituar në rrugë të paligjshme.
Por teksa, fliste për paketën “anti-KÇK” dhe efektivitetin e saj, kryeministri është ndërprerë nga deputeti i opozitës Kujtim Gjuzi, i cili fliste nga vendi.
Pas ndërprerjes së fjalës, Rama tha se me Gjuzin njiheshin edhe para viteve ’90, ndërsa e ironizoi atë pë mustaqet.
Rama: Nëse do të jetë i suksesshëm ky operacion do të bëhet ndarja e madhe e botës së krimit. Italia është në raport tjetër me mafian. Erdhi nga e njëjta gjë që po bëjmë ne sot: marrja e pasurisë. Jo më për krimin por për pasurinë e vënë nga krimi. Shyqyr zotit nuk jemi në vitit ’45 sepse njeriu është krijuar për t’ju përshtatur sistemit. Sistemi e merr njeriun dhe e bën ndryshe. I kam parë heronjtë e pas-pilafit. Flasin për Enver Hoxhën se nuk i ka dalë frika….
Deputeti Kujtim Gjuzi flet nga vendi
Rama: Kur e shoh natlmadhninë (i referohet Gjuzit) unë që vjen dhe del këtu, e flet, harron që ne Tironsit njiheshim edhe para ’90. E harron naltmadhënia këtë që na e tregon Tiranën e vet sikur ishte vatra e heroizmit antikomunist me atë vetë në krye. E harron naltmadhënia që unë e kam njoft edhe atëherë.
Gjuzi: Shyqyr që e pranove…
Rama: E kam njoft edhe në atë kohë. Je i mirëkuptuar, jo të gjithë e nxjerrin menjëherë lepurin, ke kohë.
Gjuzi: S’kam lepur unë… ca ke ti me babanë tënd… kriminel…
Rama: Edhe foltorja e parlamentit të shërben …
Rama: E vetmja gjë për të cilën ti edhe ju mund të garantoni, janë që Mustaqet tuaja nuk preken, asgjë tjetër.
Gjuzi: Degjo mos fol per mustaqet e mia se…./ Opinion.al
