Një 39-vjeçar ka përfunduar në pranga të policisë së Krujës. Gazmend Prapaniku është arrestuar pasi ka tentuar të vrasë me thikë komshiun e tij 49-vjeçarin, N.S.
Ngjarja e rëndë ka ndodhur mbrëmjen e djeshme, rreth orës 22:30, në fshatin Gramëz.
Pas një konflikti te çastit, Gazmend Prapaniku ka goditur me thikë në trup komshiun e tij. Për pasojë, 49-vjeçari ndodhet në Spitalin e Traumës, në Tiranë, në gjende të rëndë shëndetësore.
Nga hetimet e kryera ka rezultuar se Prapaniku ka qëlluar një herë në ajër me armë gjahu në oborrin e banesës së tij dhe më pas ka ofenduar dhe plagosur me thikë komshiun.
Edhe ky i fundit kishte në dorë një mjet prerës. Ndërkohë në cilësinë e provës materiale, 39-vjeçarit Gazmend Prapaniku i janë sekuestruar: një armë gjahu, 9 fishekë arme gjahu, një thikë dhe mjet prerës.
