Disa javë më parë u përhap me shpejtësi lajmi se midis Luana Vjollcës dhe Fifit kishte patur një konflikt, kjo pasi këngëtarja nuk u shfaq në këtë sezon të “Shiko kush luan”.
Por me një status, Fifi i sqaroi të gjithë, duke thënë se asgjë nuk kishte ndodhur midis tyre, thjesht kishte mbaruar kontrata. “Kontrata ime e punës në televizionin Top Channel ka qenë Shtator 2017 deri qershor 2018… Ka mbaruar kontrata, unë kam vazhduar punët e mia, ato punët e tyre…”, u shpreh Fifi.
Por duket se këngëtaren do ta rishohim sërish në “Shiko kush luan”. Këtë e ka bërë të ditur vet Luana, e cila nëpërmjet një postimi në Instagram ka treguar se Fifi këtë të shtunë është e ftuar në këtë spektakël.
