Një 63-vjeçar ka mbetur i plagosur rëndë pas një sherri me një person tjetër këtë të premte në Përmet.
Mësohet se i plagosur ka mbetur 63-vjeçari i identifikuar si Kosta Xhallo, banues në Përmet. Ai është qëlluar me leva në kokë dhe shpinë.
Bëhet me dije se ngjarja ka ndodhur në mes të qytetit, 100 metra larg Komisariatit të Policisë, ndërsa mbeten ende të paqarta arsyet e konfliktit.
Sakaq, si pasojë e plagëve të rënda Xhallo është dërguar me urgjencë në Spitalin Rajonal të Gjirokastrës, ndërkohë që pritet të transportohet me helikopter drejt Tiranës.
