Një shqiptar 36-vjeçar është goditur me thikë mbrëmë në një lokal nate. Ngjarja ka ndodhur pas mesnate në Sampierdarena. Ai është shoqëruar në spital nga pronari i një klubi nate me të cilin ai kishte kaluar mbrëmjen.
36 vjeçari pasi kishte darkuar me shokun e tij, të dy u nisën për të takuar një tjetër person përpara klubit të natës. Aty ndodhi përleshja. Nga deklaratat paraprake thuhet se shkak i ngjarjes ka qenë konflikti për një femër. Por hetuesit dyshojnë se kjo ngjarje ka lidhje me atë të 20 dhjetorit të shkuar. Pasi në atë mbrëmje, banorët e zonës përreth klubit të natës telefonuan policinë pasi dëgjuan dy krisma. Pas kontrollit që bënë karabinierët, gjetën njolla gjaku në tokë. Megjithatë ata nuk arritën të gjenin ndonjë person të plagosur apo përgjegjësit e ngjarjes, shkruan agjencia italiane e lajmeve “Ansa”.
