TIRANE- Deputetja e PD për Elbasanin, Arbjola Halimi ka reaguar ndaj Majlinda Bregut, e cila jo vetëm që nuk mori pjesë në protestën e djeshme kundër Ramës por edhe u shpreh kundër kolegeve, pasi sipas saj nuk kanë përdorur një fjalor të denjë.
Arbjola ka shkruar një poezi për Majlindën në Facebook, ku i drejtohet me fjalët: “Në bregun e lumit qendronte një zonjë; Sytë i kish të mbyllur, se pa Kaloi një Shqiponjë!”
Por çfarë e nxiti reagimin e Arbjolës?
Dje gratë demokrate, mes tyre deputetet, Albina Deda, Arbjola Halimi, Albana Vokshi dhe Grida Duma protestuan para Kryeministrisë kundër fjalorit të Ramës në Parlament, i cili ofendoi Albina Dedën duke i thënë “fute atë vezë në mitër”.
Në protestën e djeshme u vu re mungesa e dy prej grave më në zë në PD, Jozefina Topallit dhe Majlinda Bregut. Ndërsa e para nuk preferoi të komentojë e dyta Po. Majlinda Bregu në një prononcim për Panoramën është shprehur: “Isha në një takim, por kur pashë formën e protestës dhe fjalorin e përdorur, jam ndier mirë që nuk ka qenë”.
Majlinda Bregu nuk e lë me kaq, ajo thumbon koleget deputete kur shkruan në “Facebook” një shprehje të Margaret Thatcher “Fuqia është si të jesh një zonjë… nëse do të duhet t’u thuash njerëzve që je, atëherë nuk je!”.
/Opinion.al
