Babai i pacientit zero, Viktor Kola, ose pacienti 1 të cilit para disa ditësh i kishte dalë tamponi i parë negativ, është shëruar plotësisht pasi edhe tamponi i dytë ka rezultuar negativ nga Koronavirusi.
Viktori është babai i 28-vjeçarit i cili dyshohet se është pacienti zero në Shqipëri. Lajmi është konfirmuar dhe nga kryeministri Edi Rama përmes një postimi në rrjetet sociale.
Kreu i qeverisë bën me dije se dhe një pacient tjetër doli negativ në testin për Covid-19.
Edhe ministrja e Shëndetësisë, Ogerta Manastirliu ka reaguar menjëherë pas këtij lajmi duke thënë se dy pacientët po bëhen gati të lënë Infektiv, por ata do të qëndrojnë sipas protokolleve edhe 14 ditë të tjera në karantinë në shtëpitë e tyre./ Opinion.al
