Kandidati për kryebashkiak në Dibër, Sherefedin Shehu u takua me banorë të fshatrave Selishtë, Hurdhë, Muhur dhe Fushë Muhur. Kandidati i opozitës akuzoi maxhorancën se po përdor ndihmën ekonomike për të marrë vota në Dibër.
Banorët e fshatrave Selishte, Hurdhe, Muhur dhe Fushe Muhur i bënë me dije kandidatit të djathtë se po iu bëhet presionin se do tu hiqet ndihma ekonomike nëse nuk votojnë kandidatin e maxhorancës.
Banorët i thanë Shehut se ndihma ekonomike u është hequr familjeve në nevojë dhe u është dhënë personave të lidhur me pushtetin.
Kandidati opozitës tha se kjo është një sjellje kriminale. Shehu premtoi se do ti bëjë publike listat e përfituesve të ndihmës ekonomike dhe se ndihmë ekonomike do të perfitojnë vetëm personat që e meritojnë.
Sherefedin Shehu iu premtoi banorëve të fshatrave Selishtë, Hurdhë, Muhur dhe Fushë Muhur, se kur të bëhet kryebashkiak i Dibrës do ta kthejë administratën në punë, për t’u shërbyer qytetarëve.
Infrastruktura, ujësjellësi dhe kanalizimit ishin po ashtu tema të bashkëbisedimit të Shereferdin Shehut me banorët. Pamjet e bashkëbisedimit te kandidatit të djathtë me banorë të disa fashtrave në Dibër na u mundësuan nga zyra e shtypit e partisë demokratike.
