Shumë prej nesh kanë pritshmëri aspak realiste kur bëhet fjalë për jetën. Ëndërrojmë për gjithçka duam, por nuk e kuptojmë se për të pasur një gjë duhet të sakrifikojmë një tjetër. Shumë gra i kanë thënë jo karrierës për të qenë më pranë gjirit të familjes, apo e kundërta. Edhe për meshkujt vlen e njëjta gjë. E keni menduar ndonjëherë se rëndësia që i jepni punës apo familjes mund të varet edhe nga shenja juaj e horoskopit? Zbuloni cilës kategori i përkisni ju:
Dashi mund të jetë në një lidhje , por di shumë mirë të jetë i pavarur dhe nuk kanë nevojë për atë gjirin familjar që të ndihet i mbrojtur. Është një shenjë që do të sakrifikonte familjen për karrierën.
Demi nuk e ka të vështirë të arrijë ekuilibrin midis familjes apo karrierës sepse nuk mund të bëjë as pa sigurinë financiare e as pa ngrohtësinë familjare.
Binjakët kanë nevojë për njerëz në jetën e tyre, por kjo nuk do të thotë që do të sakrifikonin gjithçka për ta. Janë të aftë të përputhen shumë shpejt, ashtu si mund të mërziten shumë shpejt, ndaj binjakët janë një shenjë për të cilët nuk ia vlen të mohosh gjithçka sepse ata nuk do e bënin për ju.
Gaforrja do të vendosë familjen para çdo gjëje dhe për këtë mos të keni më të voglin dyshim. Ata janë gjithmonë në kërkim të njerëzve për të cilët mund të kujdesen.
Një luan mund të hiqet sikur është mbret i botës, por thellë thellë nuk vuan nga deliri i madhështisë e as nuk do këtë të fundit. Për ta më shumë vlerë kanë marrëdhëniet njerëzore.
Emocionet e nervozojnë virgjëreshën. Është një shenjë me këmbë në tokë, kritike dhe tejet analitike. Përpiqet të mos i shfaqë ndjenjat dhe mban distancë nga partneri për të mos u zhgënjyer. Duke e stërvitur veten për të qenë e tillë, virgjëresha nuk e kupton se në një mënyrë apo në një tjetër largohet nga njerëzit e afërt e gjen ngushëllim vetëm tek puna.
Peshorja është shenja më harmonike e zodiakut dhe është e aftë të balancojë çdo gjë në jetën e saj. Peshorja preferon të mos zgjedhë familjen mbi karrierën apo e anasjellta, ndaj do të jetë gjithmonë në kërkim të një pune, orari i së cilës apo kushtet, e mbajnë larg njerëzve të afërt.
Akrepi është shenja më pasionante e zodiakut, ndaj varet se sa e do partnerin apo punën. Nëse akrepi e dashuron partneren, me siguri do të sakrifikonte çdo gjë. Por nëse akrepi ka gjetur punën e ëndrrave e sigurtë që do t’ju linte pa e menduar dy herë nëse do e pyesnit “Mua apo punën?”
Shigjetari i jep një zgjidhje krejt ndryshe kësaj dileme. Ai nuk zgjedh njërën mbi tjetrën sepse gjithmonë është në kërkim të ndryshimit dhe për të sakrificat nuk kanë vlerë.
Bricjapi është shenja më punëtore e zodiakut. Është afërmendsh se për karrierën do të sakrifikonte gjithçka, por ajo që nuk dini për këtë shenjë është se e ka familjen e shenjtë. Ndonëse bricjapi gjatë orarit të punës nuk mendon për asgjë tjetër, gjatë kohës që ai është me familjen nuk do t’ia dijë më për emailet apo shkresat që ka lënë përgjysmë në tavolinë (uhh harruam bricjapi asnjëherë nuk lë punë përgjysmë).
Ujori është një shenjë e pavarur dhe nuk ka dëshirë të ndihet sikur është “pronë e dikujt” qoftë kjo e punës në mënyrë figurative apo e një personi. Ujori do vetëm veten e tij, e për të do të sakrifikonte gjithçka.
Peshqit nuk mund të jetojnë dot pa dashurinë e dikujt. Duhet të ndihen të dashuruar e të përkëdhelur në çdo moment. Puna nuk mund t’jua japë dot këtë gjë, ndaj merreni me mend se cilën do të sakrifikonte kjo shenjë.
Burimi: Living
