Ambasadori amerikan në Kosovë, Philip Kosnett, kritikoi retorikën politike të përdorur në Kosovë duke i bërë thirrje politiknaëve të përqendrohen te faktet e jo tek fyerjet.
Përmes një postimi në rrjetin social Tëitter, ai tha se retorika politike në Kosovë mund të shndërrohet në “racizëm, seksizëm dhe homofobi” dhe se drejtuesit politikë kanë përgjegjësi ta dënojnë këtë shëmti.
“Retorika politike në Kosovë – si në vendet e tjera – shpesh shndërrohet në racizëm, seksizëm dhe homofobi. Kjo i ul ata që bëjnë sulme të tilla dhe ata që i tolerojnë. Drejtuesit kanë një përgjegjësi ta dekurajojnë këtë shëmti. Përqendrohuni te faktet, jo te fyerjet”, shkroi Kosnett në Twitter.
Political rhetoric in Kosovo – as in other countries – often descends into racism, sexism, and homophobia. This demeans those who make such attacks and those who tolerate them. Leaders have a responsibility to discourage this ugliness. Focus on facts, not insults.
— Ambassador Philip S. Kosnett (@USAmbKosovo) April 17, 2020
Ambasadori nuk iu referua ndonjë rasti konkret, por që nga rrëzimi i Qeverisë së udhëhequr nga Albin Kurti, muajin e kaluar në kuvend, udhëheqësit politikë e kanë ashpërsuar gjuhën me njëri-tjetrin.
Postimi ambasadorit amerikan u rishpërnda në Twitter edhe nga ambasadori Gjerman në Prishtinë si dhe nga Kryetarja e Kuvendit, Vjollca Osmani.
Ditëve të fundit ka pasur disa përplasje dhe kritika midis dy ish-partnerëve të koalicionit, Lidhjes Demokratike të Kosovës dhe Lëvizjes Vetëvendosje, por edhe midis vetë zyrtarëve të LDK-së. / Opinion.al
