Momente mjaft të vështira janë duke përjetuar edhe forcat e shpëtimit për nxjerrjen e personave që kanë mbetur në rrënoja në Thumanë dhe Durrës.
Shefi i zjarrfikëses të Vlorës, Luan Kapaj, tregoi momentet e shpëtimit të personave që kanë mbetur nën rrënoja në pallatin 6 katësh në Durrës. Ai ka shpëtuar dy jetë njerëzit një burrë dhe një grua, ndërkohë që theksoi se do të vijonte të rrezikonte jetën e tij për të shpëtuar të personat në rrezik.
“Popullit tim do ti shërbej në çdo moment të vështirë të jetës së qytetarit dhe do rrezikoj jetën time për të shpëtuar një jetë tjetër. Ka qenë një moment shumë i vështirë, 3 kate ishin rrafshuar. Kur njerëzit atje kërkonin ndihmë ishte e pamundur të mos u jepje ndihmë. Ishte një tunel ku mezi u futëm për ta shpëtuar atë njeri. Jo një, por shpëtuam 2 jetë njerëzish. Një grua dhe një burrë. Kur dikush thoshte aman duam vetëm pak oksigjen ishte e pamundur të mos rrezikonim jetën tonë për ta shpëtuar atë njeri. Ishte fati i atij njeriu,”-u shpreh ai./Opinion.al/
