Shqiptarët nuk duhet të jenë prezentë në zonat e banuara me serb. Kështu deklaroi sot Ministri i Jashtëm rus, Sergej Lavrov.
“Forcat etnike shqiptare nuk duhet të jenë prezente në hapësirat e populluara nga serb në veriun e Kosovës”, tha ai.
Lavrov u shpreh se në Ballkan po rriten fuqishëm tensionet dhe se Bashkimi Europian duhet të ndërhyjë për të ndihmuar në shtensionimin e situatës atje.
Reagimet e ministrit të Jashtëm rus, vijnë menjëherë pas incidentit në fundjavë, ku një tren i nisur nga Beogradi për të shkuar në Mitrovicë dhe i mbushur me parulla si “Kosova është Serbi” shkaktoi tensionimin e menjëhershëm të situatës në kufirin Kosovë-Serbi dhe përdorimin e deklaratave me tone luftarake.
