Dhoma e Përfaqësuesve në Shtetet e Bashkuara ka miratuar me shumicë votash një rezolutë që e njeh si gjenocid masakrën ndaj armenëve në Perandorinë Osmane në fillim të shekullit të 20-të.
Dhoma e miratoi rezolutën më 29 tetor me një votim prej 405 votash pro dhe 11 kundër, ndërsa ky votim që mund të provokojë zemërim në Turqi vjen në kohën kur marrëdhëniet ndërmjet SHBA-së dhe Turqisë janë të tensionuara, për shkak të Sirisë.
Osmanët vranë dhe dëbuan rreth 1.5 milionë armenë, një pakicë e krishterë në perandorinë myslimane, gjatë dhe menjëherë pas Luftës së Parë Botërore. Shumë historianë dhe disa vende të tjerë e konsiderojnë masakrën si gjenocid.
Turqia, një anëtare e NATO-s, ka kundërshtuar vazhdimisht një përcaktim të tillë, duke pretenduar se vdekjet ishin më shumë rezultat i grindjeve civile sesa një përpjekje e planifikuar e qeverisë osmane për të asgjësuar armenët, duke shtuar gjithashtu se kanë vdekur më pak armenë sesa raportohet./Opinion.al
