SHBA mohon arritjen e një marrëveshjeje me Iranin për shkëmbimin e të burgosurve.
Ministri i Jashtëm iranian Hossein Amir-Abdollahian njoftoi në televizionin shtetëror se Teherani dhe Uashingtoni kishin arritur një marrëveshje fillestare për shkëmbimin e të burgosurve dhe shprehu se kjo do të ndodhte “së shpejti”. Ai shtoi gjithashtu se nga ana e Iranit “gjithçka është gati” dhe ai është në pritje të koordinimit përfundimtar me SHBA.
“Për sa i përket çështjes së shkëmbimit të të burgosurve midis Iranit dhe SHBA-së, ne kemi arritur një marrëveshje ditët e fundit dhe nëse gjithçka shkon mirë nga pala amerikane, mendoj se do të dëshmojmë një shkëmbim të burgosurish brenda një periudhe të shkurtër kohore”, tha Abdollahian.
Megjithatë, deklaratat e një zyrtari të Shtëpisë së Bardhë paraqitën një një gjatësi vale krejtësisht të ndryshme.
Ai e përgënjeshtroi ministrin iranian, duke vënë në dukje angazhimin e SHBA-së për të siguruar lirimin e amerikanëve të mbajtur në Iran.
“Pretendimet e zyrtarëve iranianë se ne kemi arritur një marrëveshje për të liruar qytetarët amerikanë të ndaluar gabimisht në Iran janë të pavërteta,” tha një zëdhënës i Këshillit të Sigurisë Kombëtare në Shtëpinë e Bardhë.
“Për fat të keq, zyrtarët iranianë nuk kanë humbur kohë duke shpikur një histori dhe pretendimi i tyre i fundit brutal do të shkaktojë më shumë dhimbje për familjet e Shiamak Namazi, Emad Sarji dhe Morad Tahbaz”, shtoi ai, duke iu referuar shtetasve iranianë dhe amerikanë të mbajtur në Iran.
