Bota

SHBA miraton remdesivirin për trajtimin e COVID-19


Bëhu pjesë e Grupit Zyrtar të Opinion.al
>> KËTU <<
               Publikuar në : 08:34 - 23/10/20 |
Opi Nion

Autoritetet amerikane miratuan ilaçin anti-viral remdesivir për të trajtuar pacientët me COVID-19  në spitale.

Administrata e Ushqimit dhe Barnave në SHBA tha se Veklury, emri i markës së ilaçit, zvogëlon kohën e shërimit mesatarisht për pesë ditë.

“Veklury është trajtimi i parë për COVID-19 që merr miratimin e Administratës së Ushqimit dhe Barnave”, -tha përmes një deklarate kjo agjenci.

Në deklaratë po ashtu thuhet se ilaçi u miratua “për përdorim te të rriturit dhe pacientët pediatrikë, 12 vjeç e më të vjetër dhe me peshë së paku 40 kilogramë”.

Organizata Botërore e Shëndetësisë tha javën e kaluar se remdesiviri ka pak ose aspak efekt në mbijetesën e pacientëve.

OBSH-ja tha se bazohet në studimet e saj, por prodhuesi i ilaçit, Gilead, i hodhi poshtë këto gjetje. Remdesiviri është autorizuar vetëm për përdorim emergjent në SHBA që nga muaji maji.

Së voni, ilaçi i është dhënë edhe presidentit amerikan, Donald Trump, i cili ka dalë pozitiv me COVID-19. Trump, i cili është diagnostikuar më 2 tetor, është shëruar.

Pas