TIRANE- Ambasadori amerikan Donald Lu, ka deklaruar edhe njëherë qartë se për të luftuar korrupsion, Shqipëria duhet të arrestojë “të paprekshmit”. Ai tha se partitë nuk duhet ta përdorin Byronë e Hetimit për të bërë politike por duhet ta miratojnë sa më parë dhe të çojnë pas hekurave personat e korruptuar. Lidhur me varësinë, ai tha se Byroja e Hetimit do të jetë sipas modelit të FBI dhe do të ketë financime nga SHBA për funksionimin e saj.
Pjesë nga fjala e ambasadorit LU
Po pse duhet të besojnë shqiptarët e zakonshëm se këta policë të posaçëm do të jenë përtej ndikimeve dhe korrupsionit?
Për shkak se SHBA do të investojnë që ajo të jetë e tillë. Ne kemi vënë mënjëanë miliona dollarë për të paguar pajisjet dhe trajnimet e këtyre policëve, trajnimi i tyre do të zhvillohet në akademinë e FBI-së.
Një agjent i FBI-së do të caktohet në Tiranë për të mbështetur krijimin e kësaj organizate dhe të gjithë policët e BKH-së do të kalojnë përmes testeve të dallimit të gënjeshtrave, njohur ndryshe si testi i poligrafit. Llogaritë e tyre bankare do të mbikqyren për tu siguruar që ata nuk po marrin rryshfet ose që nuk po punojnë për krimin e organizuar.
VIDEO/ Donald Lu: Miratoni Byronë e Hetimit. Arrestoni “të paprekshmit”
